ٹیکسٹائل ڈیزائننگ

جائزہ

ٹیکسٹائل ڈیزائنرز کمپیوٹرائیزڈ ٹیکسٹائل تکنیکوں کے ذریعے ڈیزائن بنانا اور پرنٹ کرنا سیکھتے ہیں۔

آپ کیا سیکھیں گے؟

اس کورس کے دوران آپ ڈیزائن بنانے کی بنیادی باتیں، ڈیزائننگ کے لئے استعمال  کیے جانے والے اور رنگوں کو الگ الگ استعمال کرنے میں استعمال ہونے والے مینیول اور کمپیوٹرائیزڈ ٹولز کو سمجھنے اور انہیں استعمال کرنے کی تربیت حاصل کریں گے۔آپ مختلف طریقوں کو دوہرانا، رنگ میچ کرنا، دوبارہ ڈرا کرنا اور درکار درستی اور رفتار کے مطابق پیٹرنبنانا بھی سیکھیں گے۔ اس کورس میں آپ پرنٹنگ کی اقسام، ڈیزائن کا تصور اور اس کی اقسام، فلم پلاٹنگ اور ایکسپوزنگ  کا کام اور طریقے  بھی جانیں گے۔ اس کے ساتھ ساتھ فیبرک کے معیار کے مطابق پرنٹنگ ٹیبل اور سالوینٹ کے انتخاب کو بھی سمجھ سکیں گے۔ یہ کورس آپ کو آرکینڈی کا انتخاب، فریم کی اقسام اور درکار سائیز، سکرینز کی ترتیب، کیمیکلز کا استعمال اور مخصوص ماحول کے اندر کوٹنگ ٹیکنیکس کا استعمال بھی سکھائے گا۔  اس کے علاوہ آپ کو سکرین پرنٹنگ کے ذریعے تمام قسم کے اشتہارات پرنٹ کرنا بھی سکھایا جائے گا، مثلاً بینرز، پیپر پرنٹنگ، سٹکر پرنٹنگ وغیرہ۔ داخلے کی شرائط اس کورس میں داخلے کی کوئی شرائط نہیں ہیں۔ آپ اس کورس میں اسی وقت اپنا اندراج کراسکتے ہیں۔ تربیت کے فوائد اس کورس کی تکمیل کے بعد آپ باقاعدہ طریقے سے ڈیزائننگ کے آلات و اوزار کا استعمال سیکھ پائیں گے۔ آپ مینیول اور کمپیوٹرائیزڈ کام کے طریقوں کو دوہرانا بھی سیکھیں گے۔ اس کے علاوہ آپ پیٹرنز کو ڈرا کرنا اور بنانا ، رنگوں اور بی اینڈ ڈبلیو فلمز کو الگ الگ کرنا بھی سکھیں گے۔ آپ کو اسی کورس کے دوران پرنٹنگ کی مختلف تکنیکیں، ڈیزائن کے کانسیپٹ اور اقسام، لوکل اور ایکسپورٹ پرنٹنگ، اور اشتہارات بنانا بھی سکھایا جائے گا۔ اشتہارات بنانے کے لئے آپ سکرین پرنٹنگ، چیزوں کی شکل بنانا، ڈرائنگ کرنا اور نمونے اور ٹیمپلیٹس بنانا سکھایا جائے گا۔

ممکنہ آجرین

یہ کورس آپ کے  ان شعبوں میں کاروبار اور روزگار کے امکانات روشن کرے گا:

1. ٹیکسٹائل انڈسٹری
2. ذاتی ملیتی کاروبار

تربیت کا نتیجہ

اپنے مقاصد کو حاصل کریں

:اس کورس کی تکمیل سے آپ درج ذیل فوائد حاصل کر سکیں گے

1. قومی سطح پر تسلیم شدہ سرٹیفکیٹ۔ قابلیت اور ملازمت کے لئے بنیادی ہنرتاکہ آپ بطور ورکر کام کر سکیں۔
2. ملازمت کے لئے درخواست دینے کی اہلیت۔ہاتھ سے کام کرنے والے عمومی کاموں کے لئےکے سرٹیفیکیشن تاکہ آپ اپنےکیریئرمیں ترقی پا سکیں۔

پی ایس ڈی ایف کا انتخاب کیوں کریں

روایتی کورسوں کی نسبت پی ایس ڈی ایف مارکیٹ سے متعلقہ تربیت فراہم کرتا ہےجس کی وجہ سے آپ کو درج ذیل فوائد حاصل ہوتے ہیں:

1. یہ نتائج پر مرکوز ہے اور ٹیم ورک پر مبنی ہے۔
2. اس کا اصل ہدف آپ کو عملی تربیت کی فراہمی ہے جہاں اساتذہ سیکھنے کے عمل میں بطور سہولت کارکے خدمات سرانجام دیتے ہیں۔
3. یہ ایک وسیع کورس ہے جو آپ کو اس شعبہ کی تمام بنیادی اہلیتوں میں مہارت سکھاتا ہے۔
4. تکنیکی مہارتوں کے علاوہ ، تربیت یافتہ افراد کو کام کی جگہ کے لئے ضروری عام مہارتیں بھی سکھائی جاتی ہیں۔
5. صرف سند یافتہ افراد ہی سی بی ٹی کے کورس کا جائزہ لےسکتے ہیں

صرف سرٹیفائیڈ نیشنل ایسیسر (National Assessors) ہی سی بی ٹ ایسیسمنٹ منعقد کرسکتے ہیں